Il Festival svizzer per chors d'uffants e da giuvenils (SKJF) 2019 a Lucerna

Il 2019 vegnan beneventads a Lucerna pli che 50 chors da l'entira Svizra. Ils organisaturs quintan cun passa 2000 uffants e giuvenils en la vegliadetgna da 10 enfin 25 onns.

Il SKJF ha lieu mintga dus onns (a Lugano il 2017, a Mustér il 2015, a Son Gagl il 2013, a Losanna il 2011, a Schaffusa  il 2009, a Turitg il 2007).

Il proxim SKJF ha lieu durant la fin d'emna d'Ascensiun il 2019 a Lucerna sut il motto SWISS EDITION.

Il program da quatter dis cumpiglia concerts dal festival en las hallas d'exposiziun da la Fiera da Lucerna, lavuratoris, las occurrenzas plaschair da CHantar «SingplausCH» per uffants en la vegliadetgna da la scola primara, sco era concerts d'inscunter, chantar sin plazzas en il center da la citad da Lucerna, tschaveras ed alloschis per participants ed accumpagnaders. 

Ultra da las hallas d'exposiziun da la Fiera da Lucerna vegnan utilisadas ulteriuras tribunas e localitads en l'entira citad sco per exempel il KKL, il Südpol, la baselgia da gesuits, etc.

Il festival è damai in'experientscha unica per tut ils participants ed in punct culminant cultural per la citad ospitanta.